АРХИГҮЙ ЦАГААН САР ТЭМДЭГЛЭХ УРИАЛГА ГАРГАЛАА
Өнөөдөр Ховд аймгийн Дөргөн сумын иргэдийн Төлөөлөгчдийн Хурал, Гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөлөөс "Архигүй цагаан сар тэмдэглэх" уриалгыг сумынхаа нийт ард иргэдэд хандан гаргаж байна.
Энэхүү уриалгыг анх Дөргөн суманд бага ангийн багш Ц.Цэцэгсүрэн санаачлан аймгийн ИТХ-ын дарга Г.Пүрэвгандийн иргэдтэй уулзах уулзалтанд хэлж байсан юм. Уг санаачлагыг ажил хэрэг болгохоор сумын иргэдийн Төлөөлөгчдийн Хурал, Насан туршийн боловсролын төв хамтран иргэдийн дунд хэлэлцүүлэг зохион байгуулахаар төлөвлөж байсан бөгөөд Монгол улсын Засгийн газраас зарласан короновирусын халдвараас урьдчилан сэргийлэх хорио цээрийн дэглэмээс шалтгаалан хийгдээгүй юм.
