"МОРЬТОН МОНГОЛ" НААДАМ УРИАЛГА ГАРГАЛАА
Дөргөн сумын иргэдийн Төлөөлөгчдийн Хурал болон Засаг даргын тамгын газраас "Морьтон Монгол" наадам уриалгыг зарлаж байна. Энэ уриалгын хүрээнд иргэдийг баг, сумын наадмаар түүх, соёл уламжлалаа сэргээн сурталчилж, машин техникийн хэрэглээгээ багасган морио унаж наадахыг дэмжиж байгаа юм. Сумын наадмын нээлтэнд мориороо гангарч, Монгол хүн, Монгол морины гайхамшгийг түгээн дэлгэрүүлж, баг, сумын наадмуудад зохион байгуулалттайгаар морьтой наадсан иргэд, байгууллагыг алдаршуулан урамшуулах ажлыг төлөвлөж байна.