ГАМШГААС ХАМГААЛАХ КОМАНД ШТАБЫН ДАДЛАГА СУРГУУЛЬ БОЛЖ ӨНДӨРЛӨЛӨӨ
Аймгийн Засаг даргын 2019 оны 02 дугаар сарын 28-ны өдрийн А/127 "Нэрэмжит шалгалт, бэлэн байдлын үзлэг зохион байгуулах тухай" захирамжийн биелэлтийг шалгахаар Онцгой байдлын газрын орлогч, урьдчилан сэргийлэх хяналтын тасгийн дарга, хошууч Г.Нэргүйгээр ахлуулсан ажлын хэсэг ирж Дөргөн суманд ажиллалаа. Шалгалтын чиглэл нь Гамшгаас хамгаалах тухай, Галын аюулгүй байдлын тухай, Ойн тухай Монгол улсын хуулиудын хэрэгжилтийг хэрхэн хангаж байгаа талаар төрийн болон төрийн бус байгууллага, аж ахуй нэгжүүдэд үзлэг шалгалт хийхээс гадна сумын Мэргэжлийн ангийн бүрэлдэхүүнд команд штабын дадлага, сургуулийг зохион байгууллаа.
