Сар шинийн баярт зориулсан бөхийн барилдаан зохион байгуулагдлаа
Дөргөн суманд 2019 оны 02 дугаар сарын 02-нд "Урвуулагч" хэмээх шороон гахай жилийн сар шинийн баярт зориулсан хүчит бөхийн барилдааныг сумын "Шандас" бөхийн холбоо зохион байгууллаа. Хүчит бөхийн барилдаанд 32 бөх уран мэхийг уралдуулан, хүч үзснээс аймгийн начин Т.Эрдэнэдалай түрүүлж, аймгийн начин Л.Ням-Очир үзүүрлэн, аймгийн заан Г.Аринуболд, аймгийн начин Ч.Буянтогтох нар шөвгөрлөө. Барилдааны шагналыг сумын иргэдийн Төлөөлөгчдийн Хурал, Агваш, Сээр, Аргалант, Өгөөмөр багийн иргэдийн нийтийн хурлын дарга нар хамтран ивээн тэтгэж ажиллалаа.
