Аймаг, сумын аварга малчид тодорлоо
Дөргөн сумаас 2019 онд "Аймгийн аварга малчин"-аар Аргалант багийн малчин Ч.Буяннэмэх, Ч.Чулуунхорол, Ш.Түвшинтөгс нар тодорсныг аймгийн Орон нутгийн өмчийн газрын дарга Ш.Нохойжаваар ахлуулсан ажлын хэсэг аймгийн ИТХ-ын төлөөлөгч, тэргүүлэгч П.Улаанхүү, сумын ИТХ-ын төлөөлөгч Ж.Батбаяр, сумын ИТХ-ын дарга Н.Базаррагчаа, Засаг дарга Т.Заяа, Засаг даргын орлогч Т.Дариймаа, Засаг даргын тамгын газрын дарга Б.Баттогтох нар уламжлан, шагналыг гардууллаа. Сумын ИТХ-ын Тэргүүлэгчдийн 2018 оны 01 дүгээр сарын 24-ний өдрийн 05 тоот тогтоолоор баталсан "Сумын аварга малчин" шалгаруулах журмын дагуу сар шинийн босгон дээр Аргалант багийн малчин Ц.Цээпил, Ц.Цэрэнбат, Агваш багийн малчин Б.Бат-Эрдэнэ нар "Сумын аварга малчин"-аар шалгарсныг сум, багийн удирдлагууд гардуулан өгч, баяр хүргэлээ.
