ДӨРГӨН СУМЫН ӨГӨӨМӨР БАГИЙН ИНХ-ЫН ХУРАЛДААН ХУРАЛДЛАА
Дөргөн сумын төвийн баг буюу Өгөөмөр багийн ИНХ-ын хуралдаан 2019 оны 01 дүгээр сарын 20-ны өдөр сумын иргэний танхимд нийт 185 өрхийн 53 өрхийн төлөөлөлтэйгээр 8 дугаар хуралдаанаа хуралдлаа. Хуралдаанаар багийн Засаг дарга Б.Чингисын 2018 оны үндсэн чиглэлийн биелэлтэнд үнэлэлт, дүгнэлт өгч, 2019 оны үндсэн чиглэл батлан, сумын
төвийн өнгө үзэмжийг сайжруулах, зах болон хуучин барилга байшинг цэгцлэх
талаарх иргэдийн саналыг хэлэлцлээ. Хуралдааныг Өгөөмөр багийн ИНХ-ын дарга Н.Азжаргал удирдаж, сумын ИТХ-ын дарга Н.Базаррагчаа, Засаг дарга Т.Заяа, хөдөлмөр, халамж үйлчилгээний ахлах мэргэжилтэн Я.Лхагважав, Нийгмийн даатгалын байцаагч Д.Алтансоёмбо нар иргэдэд мэдээлэл хүргэж ажиллалаа.